Edwin Barclay![]() | |||||
---|---|---|---|---|---|
![]() | |||||
3 avientu 1930 - 3 xineru 1944 ← Charles D. B. King - William Vacanarat Shadrach Tubman →
| |||||
Vida | |||||
Nacimientu | Liberia, 5 de xineru de 1882[1] | ||||
Nacionalidá |
![]() | ||||
Muerte | Liberia, 6 de payares de 1955[1] (73 años) | ||||
Estudios | |||||
Llingües falaes | inglés | ||||
Oficiu | políticu, diplomáticu | ||||
Creencies | |||||
Relixón | metodismu | ||||
Partíu políticu |
Partido Whig Auténtico (es) ![]() | ||||
![]() |
Edwin James Barclay (5 de xineru de 1882, Liberia – 6 de payares de 1955, Liberia)[2] foi un políticu liberianu fíu de padres barbadenses, qu'exerció como decimoctavu Presidente de la República de Liberia ente 1930 y 1944. Asumió depués del xuiciu políticu de Charles D. B. King y foi escoyíu definitivamente en 1931. Barclay foi miembru del Partíu Whig Auténticu (TWP), que gobernó Liberia mientres pocu más d'un sieglu, calteniendo'l réxime de la minoría américo-liberiana (a pesar de nun pertenecer téunicamente a ella). Mientres el so mandatu, Liberia sofitó a los Estaos Xuníos na Segunda Guerra Mundial. Antes de ser presidente, foi embaxador de Liberia nos Estaos Xuníos, y Secretariu d'Estáu mientres tola presidencia de King (1920-1930).[3][4]
Barclay foi escoyíu pa completar el periodu de King como presidente. Una de les sos primeres decisiones oficiales foi derogar la famosa Llei de Puertu d'Entrada de 1864 qu'acutara les actividaes económiques de los estranxeros nel país. Darréu, a principios de la década de 1930, robláronse alcuerdos de concesión ente'l Gobiernu de Liberia ya inversores holandeses, daneses, alemanes y polacos.[5] A Barclay atribúyese-y ayudar al país a sobrevivir delles de les mayores amenaces de Liberia a la so soberanía na hestoria d'esi país. Estos incluyíen amenaces de la Lliga de Naciones liderada por Alemaña, el Reinu Xuníu y los Estaos Xuníos para recolonizar el país nun siendo que se realizaren reformes, aiciones agresives per parte de Francia y un intentu de golpe de la empresa Firestone Tire and Rubber que tenía gran parte de la tierra de Liberia.[6] En mayu de 1943, Edwin Barclay visitó los Estaos Xuníos. Foi'l primer home negru en ser presentáu oficialmente dende la tribuna del Congresu de los Estaos Xuníos como convidáu d'honor. Esi mesmu añu, nun se presentó a la reelección y foi asocedíu por William Tubman, retirándose Barclay de la política.
En 1955, abandonó'l TWP pa xunise al opositor Partíu Whig Auténticu Independiente (ITWP), pol que se presentó como candidatu presidencial nes eleiciones xenerales de 1955, siendo derrotáu por William Tubman. Finó pocos meses dempués de la so derrota, en payares d'esi mesmu añu.
© MMXXIII Rich X Search. We shall prevail. All rights reserved. Rich X Search